1ܐܝܼܢܵܐ ܓܵܘ ܩܹܣܲܪܝܵܐ ܐܝܼܬ ܗَܘܵܐ ܚܲܕَ ܓܲܒܼܪܵܐ ܪܲܒܐܸܡܵܐ ܕܫܸܡܹܗ ܩܘܼܪܢܹܠܝܼܘܿܣ؛ ܡ̣ܹ ܕܲܣܬܵܐ ܗ̇ܝ ܕܦܝܵܫܵܐ ܝَܠܵܗ̇ ܩܪܝܼܬܵܐ ܐܝܼܛܵܠܝܼܩܹ̈ܐ. 2ܘܙܲܕܝܼܩܵܐ ܗَܘܵܐ ܘܟܹܐ ܙܵܕܸܥ ܗَܘܵܐ ܡ̣ܢ ܐܲܠܵܗܵܐ؛ ܗ̇ܘ ܘܟܠܹܗ ܒܲܝܬܹܗ؛ ܘܪܵܒܵܐ ܐܸܪ̈ܘܵܢܹܐ ܟܹܐ ܥܵܒܸܕ ܗَܘܵܐ ܓܵܘ ܛܵܝܸܦܵܐ؛ ܘܗܲܡܵܫܵܐ ܟܹܐ ܦܲܪܦܸܠ ܗَܘܵܐ ܒܐܲܠܵܗܵܐ. 3ܐܵܗܵܐ ܚܙܹܐ ܠܹܗ ܡܲܠܲܐܟ̣ܵܐ ܕܐܲܠܵܗܵܐ ܒܚܸܙܘܵܐ ܐܲܫܟܵܪܵܐ؛ ܐܲܝܟܼ ܬܸܫܥܵܐ ܣܲܥܲܬܹ̈ܐ (ܫܵܥܬܵܐ ܕܬܠܵܬ ܡ̣ܢ ܒܵܬَܪ ܟܵܘܸܬܪܵܐ) ܒܐܝܼܡܵܡܵܐ؛ ܕܥܒܼܸܪܹܗ ܠܟܸܣܠܹܗ؛ ܘܐَܡܸܪܹܗ ܐܸܠܹܗ؛ ܩܘܼܪܢܹܠܝܹܐ. 4ܘܗ̇ܘ ܚܸܪܹܗ ܒܝܹܗ؛ ܘܙܕܸܥܠܹܗ؛ ܘܐَܡܸܪܹܗ؛ ܡܘܼܕܝܼ؛ ܡܵܪܝܼ؛ ܘܐَܡܸܪܹܗ ܐܸܠܹܗ ܡܲܠܲܐܟܼܵܐ؛ ܨܠܵܘܵܬܘܼ̈ܟ ܘܐܸܪ̈ܘܵܢܘܼܟ ܐَܣܸܩܠܗَܘܿܢ ܠܕܟ̣ܵܪܵܐ ܩܵܕَܡ ܐܲܠܵܗܵܐ. 5ܘܐܵܕܝܼܵܐ ܫܵܕܸܪ ܓܲܒܼܪܹ̈ܐ ܠܝܘܿܦܹܐ؛ ܘܡܲܝܬَܝܼ ܠܫܸܡܥܘܿܢ ܕܦܝܵܫܵܐ ܝܠܹܗ ܩܸܪܝܵܐ ܟܹܐܦܵܐ. 6ܗܵܐ ܫܸܪܝܵܐ ܝܠܹܗ ܠܟܸܣ ܫܸܡܥܘܿܢ ܕܲܒܵܓ̣؛ ܕܒܲܝܬܹܗ ܥܲܠ ܡܲܪܙܵܐ ܕܝܵܡܵܐ ܝܠܹܗ. 7ܘܟܲܕ ܐَܙܹܠܹܗ ܡܲܠܲܐܟ̣ܵܐ ܕܗܘܼܡܙܸܡܠܹܗ ܥܲܡܹܗ؛ ܩܪܹܐܠܹܗ ܬܪܹܝܢَ ܡ̣ܢ ܒܢܲܝ̈ ܒܲܝܬܹܗ؛ ܘܚܲܕَ ܕܲܚܫܵܐ ܙܵܕܥܝܵܢܵܐ ܡ̣ܢ ܐܲܠܵܗܵܐ؛ ܡ̣ܢ ܕܐܵܢܝܼ ܕܟܹܐ ܗܵܘܝܼ ܗَܘܵܘ ܠܟܸܣܠܹܗ. 8ܘܟܲܕ ܗܘܼܩܹܐܠܹܗ ܐܸܠܵܝܗܝ ܟܠ ܡܸܢܕܝܼ ܕܚܙܹܐܠܹܗ؛ ܫܘܼܕܪܵܝܠܹܗ ܠܝܘܿܦܹܐ. 9ܘܒܝܵܘܡܵܐ ܐَܚܹܪَܢܵܐ؛ ܟܲܕ ܐܵܢܝܼ ܒܹܐܙܵܠܵܐ ܗَܘܵܘ ܒܐܘܼܪܚܵܐ؛ ܘܩܘܼܪܒܸܢܹܗ ܗَܘܵܘ ܠܡܕܝܼܢَܬܵܐ؛ ܐَܣܸܩܠܹܗ ܫܸܡܥܘܿܢ ܠܐܓܵܪܹܐ ܕܨܵܠܹܐ ܨܠܘܿܬܵܐ؛ ܐܲܝܟܼ ܒܐܸܫܬܵܐ ܣܵܥܲܬܹ̈ܐ (ܟܵܘܸܬܪܵܐ at Noon). 10ܘܟܦܸܢܹܗ؛ ܘܒܲܥܝܹܐ ܗَܘܵܐ ܠܹܐܟ̣ܵܠܵܐ. ܘܟܲܕ ܐܵܢܝܼ ܗܵܕܘܿܪܹܐ ܗَܘܵܘ؛ ܢܦܸܠܵܐ ܥܲܠܘܼܗܝ ܒܹܐ ܗܘܼܫܘܼܬܵܐ. 11ܘܚܙܹܐ ܠܹܗ ܫܡܲܝܵܐ ܦܬܝܼܚܹܐ؛ ܘܚܲܕَ ܡܵܐܢܵܐ ܒܸܨܠܵܝܵܐ؛ ܐܲܝܟܼ ܟܸܬܵܢ ܓܘܼܪܵܐ؛ ܐَܣܝܼܪܵܐ ܒܐܲܪܒܲܥ ܩܸܪ̈ܢܝܼܵܬܹܐ؛ ܘܟ̰ܘܼܢܒܸܠܵܐ ܡ̣ܢ ܫܡܲܝܵܐ ܥܲܠ ܐܲܪܥܵܐ. 12ܘܐܝܼܬ ܗَܘܵܘ ܓܵܘܹܗ ܟܠܵܝܗܝ ܗܲܝܘܵܢܹ̈ܐ ܕܐܲܪܥܵܐ ܕܐܲܪܒܲܥ ܐܲܩܠܹ̈ܐ؛ ܘܪܸܓ̰ܒܵܐ ܕܐܲܪܥܵܐ؛ ܘܦܵܪܲܚܬܵܐ ܕܫܡܲܝܵܐ. 13ܘܩܵܠܵܐ ܐَܬܹܐܠܹܗ ܐܸܠܹܗ ܕܒܹܐܡܵܪܵܐ؛ ܫܸܡܥܘܿܢ ܩܘܼܡَ؛ ܦܪܘܿܡ ܘܐَܟ̣ܘܿܠ. 14ܘܫܸܡܥܘܿܢ ܐَܡܸܪܹܗ؛ ܚܵܣܠܝܼ؛ ܡܵܪܝܼ؛ ܓܵܘ ܚܲܝܝܼ̈ ܠܹܐ ܝܘܸܢ ܐَܟ̣ܝܼܠܵܐ ܟܠ ܡܸܢܕܝܼ ܕܛܲܡܵܐܐ ܘܠܵܐ ܕܸܟ̣ܝܵܐ. 15ܘܡܸܢَܕܪܸܫَ ܓܵܗܵܐ ܕܬܲܪ̈ܬܹܝܢَ ܩܵܠܵܐ ܗَܘܹܐ ܠܹܗ ܠܟܸܣܠܹܗ؛ ܐܵܢܝܼ ܕܐܲܠܵܗܵܐ ܕܘܼܟܼܹܐ ܠܹܗ ܐܲܢَܬ ܠܵܐ ܡܛܲܡܐܸܬ. 16ܘܐܵܗܵܐ ܗَܘܹܐܠܵܗ̇ ܬܠܵܬَ ܓܵܗܹ̈ܐ؛ ܦܸܫܠܹܗ ܡܘܼܪܡܵܐ ܡܵܐܢܵܐ ܠܫܡܲܝܵܐ. 17ܘܟܲܕ ܫܸܡܥܘܿܢ ܥܲܓ̰ܘܼܒܹܐ ܒܓܵܢܹܗ ܕܡܘܼܕܝܼ ܗَܘܵܐ ܚܸܙܘܵܐ ܕܚܙܹܐ ܠܹܗ؛ ܗܵܐ؛ ܡܛܹܐܠܗَܘܿܢ ܐܵܢܝܼ ܓܲܒܼܪܹ̈ܐ ܕܦܸܫܠܗَܘܿܢ ܫܘܼܕܪܹܐ ܡ̣ܢ ܩܘܼܪܢܹܠܝܼܘܿܣ؛ ܒܘܼܩܸܪܘܿܢ ܒܘܼܬܿ ܒܲܝܬܵܐ ܕܫܸܪܝܵܐ ܗَܘܵܐ ܫܸܡܥܘܿܢ ܒܝܼܹܗ؛ ܘܐَܬܹܐܠܗَܘܿܢ ܘܟܠܹܐܠܘܿܢ ܩܵܕَܡ ܬܲܪܥܵܐ ܕܲܪܬܵܐ. 18ܘܒܸܩܪܵܝܵܐ ܒܵܩܘܿܪܹܐ ܗَܘܵܘ؛ ܕܐܸܢ ܫܸܡܥܘܿܢ؛ ܕܦܝܵܫܵܐ ܝܠܹܗ ܩܸܪܝܵܐ ܟܹܐܦܵܐ؛ ܠܲܐܟ̣ܵܐ ܫܸܪܝܵܐ ܝܠܹܗ. 19ܘܟܲܕ ܫܸܡܥܘܿܢ ܬܲܚܡܘܼܢܹܐ ܗَܘܵܐ ܒܘܼܬܿ ܚܸܙܘܵܐ؛ ܐَܡܸܪܹܗ ܐܸܠܹܗ ܪܘܼܚܵܐ؛ ܗܵܐ ܬܠܵܬَܐ ܓܲܒܼܪܹ̈ܐ ܒܸܛܲܥܝܵܐ ܝܢܵܐ ܐܸܠܘܼܟܼ. 20ܩܘܼܡَ؛ ܨܠܝܼ؛ ܘܙܹܠَ ܥܲܡܵܝܗܝ؛ ܟܲܕ ܠܵܐ ܗܵܘܹܐ ܒܫܸܟ ܚܝܼܵܠܘܼܟܼ؛ ܣܵܒܵܒ ܐܵܢܵܐ ܫܘܼܕܪܵܝܠܝܼ. 21ܗܲܝܓܵܐ ܨܠܹܐܠܹܗ ܫܸܡܥܘܿܢ ܠܟܸܣ ܐܵܢܝܼ ܓܲܒܼܪܹ̈ܐ؛ ܘܐَܡܸܪܹܗ ܐܸܠܵܝܗܝ؛ ܗܵܐ؛ ܐܵܢܵܐ ܝܘܸܢ ܗ̇ܘ ܕܒܸܛܲܥܝܵܐ ܝܬܘܿܢ ܐܸܠܹܗ؛ ܡܘܼܕܝܼ ܝَܠܵܗ̇ ܗܲܓ̰ܲܬ ܕܒܘܼܬ ܕܝܼܵܗ̇ ܐَܬܹܐܠܵܘܟ̣ܘܿܢ. 22ܐܵܡܪܝܼ ܐܸܠܹܗ؛ ܓܲܒܼܪܵܐ ܕܫܸܡܹܗ ܩܘܼܪܢܹܠܝܼܘܿܣ ܩܸܢܛܪܘܿܢܵܐ (ܪܲܒ ܐܸܡܵܐ)؛ ܟܹܐܢܵܐ ܘܙܲܕܥܵܢܵܐ ܡ̣ܢ ܐܲܠܵܗܵܐ؛ ܘܟܹܐ ܣܵܗܸܕ ܒܘܼܬܿ ܕܝܼܹܗ ܟܠܹܗ ܛܵܝܸܦܵܐ ܕܝܗَܘܼܕܵܝܹ̈ܐ؛ ܦܸܫܠܹܗ ܐَܡܝܼܪܵܐ ܐܸܠܹܗ ܒܚܸܙܘܵܐ ܡ̣ܢ ܡܲܠܲܐܟ̣ܵܐ ܩܲܕܝܼܫܵܐ؛ ܕܫܵܕܸܪ ܡܲܥܒܸܪܘܼܟ ܠܒܲܝܬܹܗ؛ ܘܫܲܡܸܥ ܗܹܡܸܙܡܵܢܹ̈ܐ ܡܸܢܘܼܟ. 23ܘܡܘܼܥܒܼܸܪܵܝܠܹܗ ܫܸܡܥܘܿܢ ܡܩܘܼܒܠܵܝܠܹܗ ܒܕܘܼܟܬܵܐ ܕܫܸܪܝܵܐ ܗَܘܵܐ؛ ܘܩܸܡܠܹܗ ܒܝܵܘܡܵܐ ܐَܚܹܪَܢܵܐ ܦܠܸܛܠܹܗ ܘܐَܙܹܠܹܗ ܥܲܡܵܝܗܝ؛ ܘܐَܙܸܠܗَܘܿܢ ܥܲܡܹܗ ܚܲܕَܟܡܵܐ ܡ̣ܢ ܐܲܚܘܿܢܘܵܬܹ̈ܐ ܕܝܘܿܦܹܐ. 24ܘܒܝܵܘܡܵܐ ܐَܚܹܪَܢܵܐ ܥܒܼܸܪܗَܘܿܢ ܠܩܹܣܲܪܝܵܐ. ܘܩܘܼܪܢܹܠܝܼܘܿܣ ܒܸܣܦܵܪܵܐ ܗَܘܵܐ ܐܸܠܵܝܗܝ؛ ܟܲܕ ܓ̰ܸܡܥܝܹܐ ܠܟܸܣܠܹܗ ܚܸܙܡܘܼ̈ܗܝ ܘܚܲܒܼܪ̈ܵܘܵܬܘܼܗܝ ܡܘܼܚܸܒܹ̈ܐ ܕܐܝܼܬܿ ܗَܘܵܐܠܹܗ. 25ܘܟܲܕ ܒܸܥܒܼܵܪܵܐ ܗَܘܵܐ ܫܸܡܥܘܿܢ؛ ܬܦܸܩܠܹܗ ܒܝܹܗ ܩܘܼܪܢܹܠܝܼܘܿܣ؛ ܘܢܦܸܠܹܗ ܣܓܸܕܠܹܗ ܩܵܕَܡ ܐܲܩܠܘܼ̈ܗܝ. 26ܘܫܸܡܥܘܿܢ ܡܘܼܩܸܡܠܹܗ؛ ܘܐَܡܸܪܹܗ ܐܸܠܹܗ؛ ܩܘܼܡَ ܠܘܼܟܼ؛ ܐܘܼܦ ܐܵܢܵܐ ܒܲܪܢܵܫܵܐ ܝܘܸܢ. 27ܘܟܲܕ ܗܲܡܙܘܼܡܹܐ ܗَܘܵܐ ܥܲܡܹܗ؛ ܥܒܼܸܪܹܗ ܘܡܘܼܫَܟ̰ܸܚܠܹܗ ܪܵܒܵܐ ܕܐَܬܝܹܐ ܗَܘܵܘ ܬܵܡܵܐ. 28ܘܐَܡܸܪܹܗ ܐܸܠܵܝܗܝ؛ ܐܲܚܬܘܿܢ ܒܝܼܕܲܥܝܵܐ ܝܬܘܿܢ ܕܠܹܐ ܝَܠܵܗ̇ ܒܕܲܣܬܘܼܪ ܠܓܲܒܼܪܵܐ ܝܗَܘܼܕܵܝܵܐ ܕܬܲܒܸܥ ܠܐَܢܵܫܵܐ ܢܘܼܟܼܪܵܝܵܐ ܕܠܹܐ ܗَܘܵܐ ܡ̣ܢ ܡܸܠܲܬ ܕܓܵܢܹܗ؛ ܘܐܸܠܝܼ ܡܘܼܚܙܹܐ ܠܹܗ ܐܲܠܵܗܵܐ ܕܠܵܐ ܐܵܡܪܸܢ ܥܲܠ ܐَܢܵܫܵܐ؛ ܛܲܡܵܐܐ ܝܲܢ ܠܵܐ ܕܸܟ̣ܝܵܐ. 29ܒܘܼܬܿ ܕܐܵܗܵܐ ܕܠܵܐ ܡܲܟܠܲܝܬܵܐ ܐَܬܹܐܠܝܼ ܟܲܕ ܫܘܼܕܸܪܵܘܟ̣ܘܿܢ ܒܵܬَܪܝܼ. ܒܲܣ ܒܵܩܘܿܪܹܐ ܝܘܸܢ ܡܸܢܵܘܟ̣ܘܿܢ؛ ܒܘܼܬ ܡܘܼܕܝܼ ܫܘܼܕܸܪܵܘܟ̣ܘܿܢ ܒܵܬَܪܝܼ. 30ܘܐَܡܸܪܹܗ ܐܸܠܹܗ ܩܘܼܪܢܹܠܝܼܘܿܣ؛ ܐܲܪܒܥܵܐ ܝܵܘܡܵܢܹ̈ܐ ܐܝܼܬ ܗܲܠ ܐܵܗܵܐ ܣܵܥܲܬ ܕܨܝܼܡܵܐ ܝܘܸܢ؛ ܒܬܸܫܥܵܐ ܣܵܥܲܬܹ̈ܐ (ܣܵܥܲܬ ܬܠܵܬَ ܡ̣ܢ ܒܵܬَܪ ܟܵܘܸܬܪܵܐ) ܟܲܕ ܨܵܠܘܿܝܹܐ ܝܘܸܢ ܗَܘܵܐ ܓܵܘ ܒܲܝܬܝܼ؛ ܩܵܕَܡ ܚܲܕَ ܓܲܒܼܪܵܐ ܩܵܕَܡܝܼ ܒܠܸܒܫܬܵܐ ܚܘܲܪܬܵܐ. 31ܘܐَܡܸܪܹܗ؛ ܩܘܼܪܢܹܠܝܹܐ؛ ܦܸܫܠܵܗ̇ ܫܡܥܝܼܬܵܐ ܨܠܘܿܬܘܼܟ؛ ܘܠܸܐܪ̈ܘܵܢܘܼܟ ܕܟ̣ܵܪܵܐ ܗَܘܹܐ ܠܹܗ ܩܵܕَܡ ܐܲܠܵܗܵܐ. 32ܫܵܕܸܪ ܗܲܕܟ̣ܵܐ ܠܝܘܼܦܹܐ ܡܕܝܼܢَܬܵܐ؛ ܘܡܲܝܬَܝܼ ܠܫܸܡܥܘܿܢ ܕܦܝܵܫܵܐ ܝܠܹܗ ܩܸܪܝܵܐ ܟܹܐܦܵܐ؛ ܫܸܪܝܵܐ ܝܠܹܗ ܓܵܘ ܒܲܝܬܹܗ ܕܫܸܡܥܘܿܢ ܕܲܒܵܓ̣؛ ܕܥܲܠ ܡܲܪܙܹܗ ܕܝܵܡܵܐ؛ ܘܗ̇ܘ ܒܸܬ ܐܵܬܹܐ ܘܗܲܡܙܸܡ ܥܲܡܘܼܟ. 33ܒܗ̇ܝ ܣܵܥܲܬ ܫܘܼܕܸܪܝܼ ܠܟܸܣܠܘܼܟܼ؛ ܘܐܲܢَܬ ܨܦܵܝܝܼ ܥܒܸܕܠܘܼܟܼ ܕܐَܬܹܐܠܘܼܟܼ؛ ܘܐܵܕܝܼܵܐ ܐܲܚܢܲܢ ܟܠܲܢ ܩܵܕَܡܘܼܟܼ؛ ܕܒܲܣܡܵܠܲܢ ܕܫܲܡܥܵܚ ܟܠ ܡܸܢܕܝܼ ܕܦܸܫܠܹܗ ܦܩܝܼܕܵܐ ܐܸܠܘܼܟܼ ܡ̣ܢ ܠܟܸܣ ܐܲܠܵܗܵܐ. 34ܘܦܬܸܚܠܹܗ ܫܸܡܥܘܿܢ ܦܘܼܡܹܗ ܘܐَܡܸܪܹܗ؛ ܒܫܲܪܝܼܪܘܼܬܼܵܐ ܐܵܕܝܼܵܐ ܒܝܼܕܵܥܵܐ ܝܘܸܢ ܕܐܲܠܵܗܵܐ ܠܹܐ ܝܠܹܗ ܚܵܙܝܵܢܵܐ ܕܦܵܬܘܵܬܹ̈ܐ. 35ܐܸܠܵܐ ܒܟܠܵܝܗܝ ܛܵܝܸܦܹ̈ܐ ܗ̇ܘ ܕܙܵܕܸܥ ܡܸܢܹܗ ܘܦܵܠܸܚ ܟܹܐܢܘܼܬܵܐ؛ ܩܘܼܒ̇ܠܵܐ ܝܠܹܗ ܠܟܸܣܠܹܗ. 36ܣܵܒܵܒ ܗܹܡܸܙܡܵܢ ܕܫܘܼܕܸܪܹܗ ܠܒܢܲܝ̈ ܝܼܣܪܵܝܹܠ؛ ܘܡܘܼܫܚܸܕܠܹܗ ܐܸܠܵܝܗܝ ܫܠܵܡܵܐ ܒܝܲܕ ܝܼܫܘܿܥ ܡܫܝܼܚܵܐ. ܗ̇ܘ ܝܼܠܹܗ ܡܵܪܝܵܐ ܕܟܠ. 37ܘܐܘܼܦ ܐܲܚܬܘܿܢ ܒܝܼܕܲܥܝܵܐ ܝܬܘܿܢ ܗ̇ܝ ܗܹܡܸܙܡܵܢ ܕܗَܘܹܐܠܵܗ̇ ܒܟܠܵܗ̇ ܝܼܗܘܼܕ؛ ܟܲܕ ܫܘܼܪܹܠܵܐ ܡ̣ܢ ܓܠܝܼܠܵܐ؛ ܡܒܵܬَܪ ܡܲܥܡܘܿܕܝܼܬܵܐ ܕܡܘܼܟܪܸܙܠܹܗ ܝܘܿܚܲܢܵܢ. 38ܒܘܼܬܿ ܕܝܼܫܘܿܥ ܕܡ̣ܢ ܢܵܨܪܲܬ؛ ܕܐܲܠܵܗܵܐ ܡܫܸܚܠܹܗ ܒܪܘܼܚܵܐ ܕܩܘܼܕܫܵܐ ܘܒܚܲܝܠܵܐ؛ ܘܗ̇ܘ ܒܸܚܕܵܪܵܐ ܗَܘܵܐ؛ ܘܒܵܣܘܿܡܹܐ ܠܟܠܵܝܗܝ ܩܘܼܒܠܹܗ ܙܝܵܢܵܐ ܡ̣ܢ ܒܝܼܫܵܐ؛ ܣܵܒܵܒ ܐܲܠܵܗܵܐ ܥܲܡܹܗ ܗَܘܵܐ. 39ܘܐܲܚܢܲܢ ܣܵܗܕܹ̈ܗ ܝܘܲܚ ܥܲܠ ܟܠ ܡܸܢܕܝܼ ܕܥܒܼܸܕܠܹܗ ܒܐܲܪܥܵܐ ܕܝܼܗܘܼܕ ܘܒܐܘܿܪܸܫܠܸܡ؛ ܗܲܪ ܠܐܵܗܵܐ ܬܠܹܐܠܗَܘܿܢ ܥܲܠ ܩܲܝܣܵܐ ܘܩܛܸܠܗَܘܿܢ. 40ܘܐܸܠܹܗ ܡܘܼܩܸܡܠܹܗ ܐܲܠܵܗܵܐ ܒܝܵܘܡܵܐ ܕܬܠܵܬܵܐ؛ ܘܝܘܼܗَܒܼܸܠܹܗ ܕܦܵܐܹܫ ܚܸܙܵܐ ܒܓܸܠܝܵܐ. 41ܐܝܼܢܵܐ ܠܵܐ ܠܟܠܹܗ ܛܵܝܸܦܵܐ؛ ܐܸܠܵܐ ܐܸܠܲܢ؛ ܐܵܢܝܼ ܕܡ̣ܢ ܐܲܠܵܗܵܐ ܩܵܕَܡܵܝܬܵܐ ܦܸܫܠܲܢ ܓܘܼܒ̇ܝܹܐ ܕܗܵܘܲܚ ܐܸܠܹܗ ܣܵܗܕܹ̈ܐ؛ ܕܐَܟܸܠܲܢ ܘܫܬܹܐܠܲܢ ܥܲܡܹܗ ܡ̣ܢ ܒܵܬَܪ ܩܝܵܡܬܹܗ ܡ̣ܢ ܒܹܝܬܼ ܡܝܼܬܹ̈ܐ. 42ܘܩܲܡ ܦܵܩܸܕܠܲܢ ܕܡܲܟܪܸܙܲܚ ܘܣܵܗܕܲܚ ܠܛܵܝܸܦܵܐ؛ ܕܐܵܗܵܐ ܝܠܹܗ ܗ̇ܘ ܕܦܸܫܠܹܗ ܦܪܝܼܫܵܐ ܡ̣ܢ ܐܲܠܵܗܵܐ؛ ܕܲܝܵܢܵܐ ܕܚܵܝܹ̈ܐ ܘܕܡܝܼܬܹ̈ܐ. 43ܒܘܼܬܿ ܕܝܼܹܗ ܣܗܸܕܠܗَܘܿܢ ܟܠܵܝܗܝ ܢܒ̣̈ܝܹܐ؛ ܕܟܠ ܡ̇ܢ ܕܗܲܡܸܢ ܒܫܸܡܹܗ؛ ܒܸܬܿ ܩܵܒܸ̇ܠ ܫܒ̣ܵܩܵܐ ܕܚܛܝܼܵܬܹ̈ܐ. 44ܘܟܲܕ ܗܼ̇ ܫܸܡܥܘܿܢ ܗܲܡܙܘܼܡܹܐ ܗَܘܵܐ ܐܲܢܹܐ ܗܹܡܸܙܡܵܢܹ̈ܐ؛ ܫܪܹܐܠܵܗ̇ ܪܘܼܚܵܐ ܕܩܘܼܕܫܵܐ ܥܲܠ ܟܠܵܝܗܝ ܐܵܢܝܼ ܕܒܸܫܡܲܥܝܵܐ ܗَܘܵܘ ܗܹܡܸܙܡܵܢ. 45ܘܥܘܼܓ̰ܸܒܠܗَܘܿܢ ܐܲܚܘܿܢܘܵܬܹ̈ܐ ܓܙܝܼܪܹ̈ܐ؛ ܐܵܢܝܼ ܕܐَܬܹܐܠܗَܘܿܢ ܥܲܡܹܗ؛ ܕܐܘܼܦ ܥܲܠ ܛܵܝܸܦܹ̈ܐ ܡܵܘܗܲܒܼܬܼܵܐ ܕܪܘܼܚܵܐ ܕܩܘܼܕܫܵܐ ܦܸܫܠܵܗ̇ ܫܘܼܦܸܟ̣ܬܵܐ. 46ܣܵܒܵܒ ܕܒܸܫܡܲܥܝܵܝܗܝ ܗَܘܵܘ ܟܲܕ ܗܲܡܙܘܼܡܹܐ ܒܠܸܫܵܢܵܐ ܠܸܫܵܢܵܐ؛ ܘܫܲܒܘܼܚܹܐ ܠܐܲܠܵܗܵܐ. 47ܘܐَܡܸܪ ܗَܘܵܐ ܠܹܗ ܫܸܡܥܘܿܢ؛ ܟܹܐ ܡܵܨܹܐ ܐَܢܵܫܵܐ ܡܲܟܠܹܐ ܡ̈ܝܼܵܐ ܕܠܵܐ ܥܲܡܕܝܼ ܐܲܢܹܐ؛ ܕܗܵܐ ܩܘܼܒܸܠܗَܘܿܢ ܪܘܼܚܵܐ ܕܩܘܼܕܫܵܐ ܐܲܝܟܼ ܕܐܘܼܦ ܐܲܚܢܲܢ. 48ܗ̇ܝܓܵܗ ܦܩܝܼܕܵܝܠܹܗ ܕܥܵܡܕܝܼ ܒܫܸܡܹܗ ܕܡܵܪܲܢ ܝܼܫܘܿܥ ܡܫܝܼܚܵܐ؛ ܘܒܥܹܐܠܗَܘܿܢ ܡܸܢܹܗ ܕܦܵܐܹܫ ܠܟܸܣܠܵܝܗܝ ܚܲܕَܟܡܵܐ ܝܵܘܡܵܢܹ̈ܐ.